Knight Rider
Posts : 16 Join date : 2008-08-17 Location : I am Rider,I have no location
| Subject: kaho Wo Ishq,,,,kaho Wo Ishq Sun Aug 17, 2008 7:08 pm | |
| Kaho, woh dasht kesa tha? Jidhar sub kuch luta aaye Jidhar aankhain ganwa aaye
Kaha,
sailab jesa tha,
bohot chaha keh bach niklain magar sub kuch baaha aaye
Kaho,
woh hijr kesa tha? Kabhi choo ker usay dekha To tum nay kia bhala paya
Kaha,
bus aag Jesa tha, usay choo ker to apni rooh ye tann mann jala aaye
Kaho, woh wasl kesa tha Tumhain jab chuu liya us nay To kya ehsas jaga tha? Kaha, ik raastay jesa, jidhar say bus guzarna tha, makan lekin bana aaye
Kaho, woh chand kesa tha? Falak say jo uttar aaya! Tumhari aankh main basnay Kaha, woh khawab jesa tha, nahin taabeer us ki, usay ik shab sula aaye
Kaho, woh ishq kesa tha? Bina perkhay kia tum nay Kaha, titlii ke rang jesa, bohat kachaa anokha sa, jabhi us ko bhula aaye
Kaho, woh naam kesa tha? Jisay sehraaon or chanchal Hawaon per likha tum nay Kaha, bus mosmoon jesa, na janay kis tarha kis pal kisi ro main mita aaye
Suno, khawahishon ki lehron per sambhalna kyun hua mushkil?
Bataya ,
paanion per khawab ki rakhi bina jesay
Bhala tum rooh ki in kirchion main dhoondtay kia ho? Kaha, yeh itni roshan hain keh sooraj hai diya jesay
Suno aankhon hi aankhon ka bayan kesay laga tum ko? Laga, phoolon say sargoshi si kerti hai saba jesay | |
|